BAVELA ENKUNDLENI ABARHANELWA NGOKUBULALA uLIFMAN
Kulindeleke umkomishinala wamapolisa kwiphondo leNtshona Kapa, uThembisile Patekile abe phakathi kwabantu abazakuzimasa ukuvela kokuqala enkundleni kwabarhanelwa abatyholwa ngokudubula babulale usomashishini obetyholwa ngokuba ngungqondongqondo womkhambathi wolwaphulo mthetho, uMark Lifman. Lo ka Lifman (57) udutyulwe lahlaz’iselwa ngeCawe ngaphandle kwesakhiwo lodederhu lweevenkile iGarden Route Mall malunga necala emva kwentsimbi yeshumi elinanye.
Ukudutyulwa kukaLifman kuze ngethuba bekulindeleke avele enkundleni ephakamileyo eKapa ngoMvulo nabanye abarhanelwa kwityala lokubulawa kuka Brian Wainstein, owayetyholwa ngokuthubelezisa iziyobisi. Abarhanelwa ngokudubula uLifman babanjwe kufutshane naseUniondale emva kokuphela emehlweni ngesithuthi sohlobo lweVW. Intsebenziswano phakathi kwamapolisa, amagosa onyanzeliso mthetho nemibutho yokhuseleko ekuhlaleni yiyo ekhokelele ekubanjweni kwesisibini. Kutyholwa ngelithi abarhanelwa ngabemi baseRussia, ekulindeleke bavele enkundleni ngalentseni.
