UFUNYENWE UMZIMBA WOMNYE WABARHAXIWEYO
Amapolisa angqinile ukuba ufumanekile umzimba womnye wamagatya amabini abarhaxwe kunxweme laseVictoria Bay. Umzimba wexhoba elineminyaka elishumi nesixhenxe ubudala ubhaqwe kunxweme lwaseWilderness, ngaphandle kwaseGeorge, ngorhatya lwangoLwesibini. Isithethi samapolisa uMalcolm Pojie sithi basabele ikhwelo lomhlali obhaqe lomzimba utyekezelwe ngaphandle lulwandle malunga nentsimbi yesithandathu.
La magatya ebeyinkxalenye yeqela labahlobo abathandathu baseThembalethu ebebeye eVictoria Bay ngesithuba sentsimbi yesihlanu ngomGqibelo emva kwemini. Amaza aye aginya isibini nebesingene emanzini ngeliyokuqubha. Inkonzo yezohlangulo elwandle iNational Sea Rescue Institute iye yathathisa ngomsebenzi wokukhangela esisibini incediswa zezinye iinkonzo zikaxakeka.
Amagama wamaxhoba awakabhengezwa ngokusesikweni nanjengoko kusakhangelwa ixhoba lesibini. UPojie uthi kuvulwe idokethi lophando ukufumanisa unobangela wesisiganeko.
