Monday, September 21, 2026
Iindaba zamva:

UNYAKA KA-GO GEORGE NOMZILA OMTSHA

Kuzakuphehlelelwa umzila omtsha kaGo George ukusuka eThembalethu ngeliphawula unyaka kwaqala ukusebenza kweebhasi kulelokishi. Lomzila umtsha uzakudibanisa lelokishi nommandla woshishino iGeorge Industria. Le nkonzo yeebhasi eziquqa zibuyelela yaqala ukusebenza kulelokishi ngomhla we5 kweyeNkanga kulo uphelileyo ngethuba kuvulwa umzila odibanisa lelokishi nommandla waseBlanco.

Iibhasi zakwaGo George kwindawo yokulinda kufutshane nesikolo iJonga High School eThembalethu. Umfanekiso: Go George

Lomzila umtsha uzakuphehlelelwa ngoMvulo weveki ezayo ngumphathiswa wezothutho kweliphondo u-Isaac Sileku, usodolophu waseGeorge uJackie von Brandis nezinye iziphathamandla. Eligqiza lizakuthabatha ibhasi yokuqala ekuseni ukusuka eThembalethu ukuya kummandla waseGeorge Industria. Emva koko kuzakuvulwa ngokusesikweni indawo yokulinda yeebhasi esandula kwakhiwa ecaleni kodederhu lweevenkile iGarden Route Mall.

Ukuphehlelelwa kwalomzila umtsha kuza kanye xa eli liqukumbela inyanga yezothutho.

Ungathanda kwakhona

ISASSA ikhumbuza abafumana izibonelelo ukuba baqinisekise iinkcukacha zabo

Ingxabano yosapho malunga nendawo aza kungcwatyelwa kuyo uSeputla Sebogodi

I-Orlando Pirates isondela ekuvezeni umdlali omtsha