HALALA: UGADE UVUYILE ZIZIPHUMO ZEBANGA LESHUMI

NguPhumzile Ngcatshe

PRETORIA: Liqhube kakuhle iphondo leMpuma Koloni kwiziphumo zebanga leshumi ezithe zapapashwa ngoMvulo.

Ezi ziphumo zalomnyaka ophelileyo, u2025 zidizwe nguMphathiswa Wezemfundo eMzantsi Afrika uSiviwe Gwarube kwiphondo laseGauteng.

Iphondo leMpuma Koloni lizifumana kumyinge ka84.2 nalapho kubonakale ukuba bathe behla xa kujongwa noMnyaka ka2024.

UMphathiswa wephondo uFundile Gade uvuyisene nababafundi abathe baphumelele iimviwo zabo encoma nabo abathe bangakwazi ukuphumelela.

FUNDA NALAPHA: UMEC FANTA UPHEHLELELE IPHULO LEGBV EMALETSWAI

Ethetha namajelo eendaba eMonti eEast London Convention Centre, uGade uncome nabo abathe bavelele abaziwa ngeTop Achievers Awards.

Ngaphezu koko, lokaGade uthe wabamba indibano nalapho bekuboniswana ngemiceli mngeni ethe yongamela iClass ka2025.

“Uthe umnyaka ka2025 uthe wabaneengxaki ezininzi kuquka neemvula ezathi zashiya umonakalo nezikolo kwingingqi yaseMthatha nalapho ethe nabafundisi ntsapho kufuneka balungise izimilo zabo,” utshilo.

Ngokwengxelo yoMphathiswa, uthe izikolo eziyi413 zathi zachaphazeleka zizantyala-ntylaa zeemvula kwingingqi iOR Tambo kwachaneka abafundi abangama 48 000.

Eqhuba kwintetho yakhe, uGade uthe abafundisi ntsapho abayi28 banqunyannyisiwe kulandela izityholo zokudlwengula, nokunukubeza abafundi ngezesondo.

FUNDA NALAPHA: ULUNGISIWE UCIMI-CIMI WOMBANE E-OR TAMBO

Nangona kunjalo, uMphathiswa uwuncomile umsebenzi wabafundisi ntsapho neziphumo ezihle esithi iimviwo zihambe ngesidima yaye ngaphandle kwamakhwiniba.

Kubafundi abangaphezu kwamawaka angama84 000 abathe bachophela iimviwo, abayi44 000 bathe bafumana ukuphumelela ngebachelor.

Ezi mviwo zichotshelwe iiveki ezisithandathu kwizifundo eziyi53, amaphepha eemviwo wona eyi163 nalapho eveze ukuxhalaba ngabafundi abangangeni ngethuba kwisigaba semfundo enomsila.

Kusenjalo, uGade uthe bajonge ukuphumelela ngomyinge ka ka90% kunnyaka ozayo, esithi kufuneka basebenze ngokubambisana bengamasebe karhulumente.