UMGWEBI YINQUNUNU ENTSHA YASEWSU

EMONTI: Idyunivesithi iWalter Sisulu eyaziwa ngeWSU ibhengeze inqununu entsha uGqirha Thandiswa Mgwebi.

Ngokwengxelo emfutshane ekhutshwe leliziko lezemfundo ephakamileyo, uMgwebi uthatha iintambo kuNjingalwazi uRushiela Songca.

IindabaZethu zifumanisa ukuba uMgwebi uzakuqalisa kwesiskhundla esitsha ngomhla wokuqala kwinyanga kweyoMqungu ku2026.

Ukuqeshwa kukaMgwebi kulandela ukuhluzwa nodliwano-ndlebe obelunzima nalapho ebekhuphisana nabantu abane ebebegacele esisikhundla.

FUNDA NALAPHA: UNTSHAVHENI UFUNA ABANGAPHANDLE BAZIPHATHE KAKUHLE

Esi sibhengezo sidizwe yileDyunivesithi ezinze eMonti kwiPhondo Lempuma-Koloni ngolwesithathu.

Kusenjalo, uMgwebi uyifunde wayityekeza njengokuba enezidanga zePhD kumachiza okanye imedicine awathi wasifumana kwiDynunivesithi yaseKapa, UCT.

Ngaphezu koko, logqirha owafunda kwiDyunivesithi yaseTranskei, usabambe iskhundla njengompharhi omkhulu, Group Executive: business advancement kwiziko iNational Research Foundation.

FUNDA NALAPHA: UMKOMISHINALA UVELLEM UTYELELE KUNGQUBA ESTEKE

Kuvela nokuba sele ekhe wabamba izikhundla eziphezulu eNelson Mandela University naseUniversity yaseNtshona Koloni kuquka neTshwane University of Technology.

NguPhumzile Ngcatshe