NEDBANK: ICHIEFS IQALA UKUKHUSELA INDEBE YAYO

NguPhumzile Ngcatshe

JOHANNESBURG: IPSL ikhuphe iziphumo zedraw apho kuqhathwe amaqela azakudlala kwitumente yeNedbank Cup yalesizini.

Iintshatsheli ezikhuselayo iKaizer Chiefs zizakundwendwela eNtshona Koloni kwidinga zalo neStellenbosch FC kumjikelo wokuqala, Last 32.

Ukanti ke, iinkunzi zaseSoweto iOrlando Pirates zona zizifumanele iqela elidlala kwisigaba esingaphantsi kweBetway Premiership iTshakuma Tsha Mazivhandila.

Njengokuba letumente isaziwa ngokudibanisa uDavid noGoliath, kulindeleke iimimangaliso njengokuba intshatsheli zeligi iMamelodi Sundowns yona izakujamelana neGomora United.

FUNDA NALAPHA: ULEON UPHAWULA NGESIGQIBO SOKUYA ECHLOORKOP

Amakhosi athi anqunqela egoqweni iimbangi zawo iPirates kumdlalo wamagqibela kankqoyi kwisizini ephelileyo yaye azimisele ukuyigcina lendebe.

Letumente idlalwa iisizini ezingama19 kulesizini yaye njengesiqhelo, kulindeleke ukuba amaqela amancinane azenzele udumo etywatyusha oompondo zihlanjiwe.

“Njonegokuba sibhiyozela isizini yeshumi elinethoba (19) yeNedbank Cup, inani aliyichazi indlela esikholelwa ngayo okokuba ibhola lelabantu yaye lingabantu,” utshilo uKhensani Nobanda oyiGroup Executive yeMarketing neCorporate Affairs kwaNedbank.

FUNDA NALAPHA: UNCOMA UBUNYE UMQEQESHI WEPIRATES

“Ibhola likwaquka abadlali abanxiba ezijezi ngebhongo, singabalibali abalandeli abanomfutho onika umdlalo ukuphefumla.

“Letumente yeyabantu okanye yeyomntu wonke, yiyo lento siyibiza ngokuba yiKe Yona, Ya Rona.”

Njengokuba letumente iqala kunyaka 2026 ukususela kwinyanga ezayo, EyoMdumba ukuya kuCanzibe, abakwaNedbank nePSL bazimisele ukudibanisa abalandeli kulomdlalo nalapho kubhiyozelwa inkcubeko yebhola laseMzantsi Afrika.

Nedbank Cup Round of 32 Draw:

Stellenbosch FC v Kaizer Chiefs

Army Rockets v Casric Stars

Hungry Lions FC v University of Pretoria

Tshakuma Tsha Mazivhandila v Orlando Pirates

Durban City FC v Chippa United

Polokwane City v Amazulu FC

SSU M17 FC v Milford FC

To Be Confirmed (Western Cape) v Luthuli Brigades FC

FC Cardinals v JackSa Spears

Mkhambathi FC v Lerumo Lions FC

Upington City FC v Magesi FC

Highbury FC v Sekhukhune United

Lamontville Golden Arrows v Orbit College

Mamelodi Sundowns v Gomora United

TS Galaxy v Marumo Gallants

Siwelele FC v Richards Bay FC