IGQALA LEANC LABULAWA – ITSHO INKUNDLA EKZN

KZN: INkundla Ephakamileyo kwiphondo iKwaZulu-Natal igwebe ngelithi igqala leANC uNkosi Albert Luthuli labulawa ngamapolisa engcinezelo.

Oku kudizwe yiJaji uNompumelelo Hadebe ngolwesine, esithi amapolisa engcinezelo abufihla ubungqina.

Eligqala leAfrican National Congress (ANC) elingasekhoyo labethwa de lahlanza iselwa ngamapolisa engcinezelo esebenzisana nabasebenzi beenkonzo zikaloliwe.

FUNDA NALAPHA: UMBUSO UWILE KWELIKA KUPELO EMONTI

LeNkundla ithabathe isigqibo sokuba oluphando okanye i-inquest yango1967 ibekelwe bucala njengokuba kwathi ndii iindaba zokuba uLuthuli wagilwa nguloliwe othwala iimpahla.

UHadebe uthe ubungqina obunikezelwe ngomlomo kunye nobubhaliweyo obuthiwe thaca ngaphambi kwaleNkundla abuhambisani nobo obathi banikezelwa ngo1967.

“Ingxelo eyakhutshwa nguMantyi uCI Boswell ngenyanga yoMsintsi ku1967 kwiNkundla yaseStanger bubekelwa bucala,” utshilo uHadebe.

[IN PICTURES] ANC members, alongside the Luthuli family and ANC veterans, have gathered at the Pietermaritzburg High Court as judgment in the Inquest into the death of former ANC President-General, Chief Albert Luthuli, is set to be handed down. The court and its surroundings are… pic.twitter.com/mK0PshlxLa

— ANC – African National Congress (@MYANC) October 30, 2025

“Xa sijonga unobangela wokusweleka okanye izinto ezingabangela ukusweleka kukaMfi uLuthuli ngenxa yokwenzakala entloko, engqondweni kunye nokwenzakala ebuchotsheni obayanyaniswa nokubethwa kwakhe.”

Othethela usapho uSandile Luthuli, uthe esi sisiqalo sokufumana ubulungiswa, uqhube wathi: “Ngaphezu koko, isigwebo siveza okanye sibeka ityala kwabo abanezenzo okanye abacima ubungqina, ukuba bathathe uxanduva lokufihla esi senzo sokubulala uNkosi Albert Luthuli.”

FUNDA NALAPHA: UMGWEBI YINQUNUNU ENTSHA YASEWSU

Kusenjalo, uHadebe uthe abakwazi kubabeka ityala abo abenza esi senzo njengokuba kungenzeka ukuba basweleka okanye amapololisa awakwazi ukubafumana.

“Okokuba kuyenzeka ukuba abo ababandakanyeka kwesi senzo bayaziwa, amagama wabo awakwazi ukuhlala eyimfihlo unaphakade. Okwangoku kulenyewe engaphambi kwaleNkundla, bonke abanze besi senzo abasekho emhlabeni.”

Emva kwesigwebo, amalungu osapho lukaLuthuli avakalise ukuxola njengokuba bebengaphakathi eNkundleni – babonakale besongana.

Kwisithuba seminyaka engama58, olusapho beluthe gqolo kwiinzame zalo zokuveza ukuba uLuthuli wathi wabulawa, bephikisana nokuba wasweleka ngenxa yengozi.

NguPhumzile Ngcatshe