AWUKABIKHO UMKHONDO WABABINI ABANYAMALELE E-VICTORIA BAY
Iphulo lokukhangela amagatya amabini aseThemabethu anyamalele ngethuba equbha eVictoria bay ngomgqibelo liyaqhuba. La magatya naneminyaka elishumi elinesixhenxe namashumi amabini ubudala, ebeyinxalenye yeqela labahlobo abathandathu ebebeye eVictoria Bay ngesithuba sentsimbi yesihlanu izolo emva kwemini. Abaziboneleyo bathi lithe lakufika elwandle eliqela ababini baye bayokuqubha baze bakhukhuliswa ngumsinga.
Isithethi sabenkonzo zohlangulo zaselwandle, iNational Sea Rescue Institute, uCraig Lambinon uthi sele bedadele enzulwini yolwandle kodwa akukabonakali zimpawu zalamadoda anyamaleleyo. Uthi iingcinga zabo zikunye neentsapho nezihlobo zabo banyamaleleyo ngelixesha lobunzima zijongene nalo.
