UBROOS UHLAFUNA AMANZI NGOSHABALALA WECHIEFS
BAFANA: Ikhankatha leBafana Bafana uHugo Broos lithetha liziphikisa ngesigqibo sokuvalela ngaphandle uMduduzi Shabalala weKaizer Chiefs.
Lomqeqeshi weBafana waseBelgium upapashe iqela lakhe elizakuqubisana nelaseZambia kumdlalo wobuhlobo kwiveki ezayo.
Lomdlalo uzakusingathwa kwibala iNelson Mandela Bay eGqeberha ngentsimbi yesithandathu njengokuba uBroos nethimba lakhe belungiselela indebe yeCAF AFCON kwinyanga ezayo.
Nangona uShabalala ephakamise isandla sakhe Amakhosi enqunqela egoqweni iOrbit Colege ngo4-1 koweBetway Premiership kuleveki, uBroos akamfakanga lomdlali kwiqela lakhe.
FUNDA NALAPHA: UZWANE NGEDINGA NOMOKWENA KWI-CAF CL
“Lithuba lam eli lokuba ndikwazi ukutyumba abanye abadlali ndibanike amathuba. Utshilo uBroos ngalomdlali onamanqaku amathathu nothe wancedisa ngelinye kwezaseNaturena kwimidlalo emine.
“Yaye noMasindi Nemtajela uqhuba kakuhle kwiqela lakhe iOrlando Pirates. Lilonke, ndicinga ukuba bendinyanzelekile ndimnike ithuba sibone ukuba angaqhuba njani.
“Yiyo lonto uShabalala engekho kweliqela nje. Akuyiyo into yokuba akaqhubi kakuhle okanye akakulungelanga ukudlala kweliqela. Ngaphezu koko, akuyiyo into yokuba akasafuneki kweliqela.
“Hayi. Kwakhona, ngumdlalo wokugqibela ndithabatha isigqibo esifana nesi sokunika abanye ithuba. Ndiyafuna ukubona uNemtajela kweliqela sibone uqhuba kanjani kulomgangatho weBafana.”
- Goalkeepers: Williams, Goss, Chaine
- Defenders: Khuliso Mudau, Matuludi, Moloisane, Sibisi, Modiba, Ndamane, Kabini, Mbokazi
- Midfielders: Mokoena, Nemtajela, Aubaas, Mbatha, Sithole
- Forwards: Appollis, Nkota, Moremi, Makgopa, Foster, Mbule, Makgalwa
NguPhumzile Ngcatshe
